جروب احسن ناس .. اتمنى المصريين يكونوا احسن ناس

كلنا واحد مننا شايف نفسه ازاى .. كويس .. ولا حاجة تانية ، فيه حاجات غلط بيعملها ولا ربنا بيعصمه من المعاصى والذنوب وطبعا النوع دا مش موجود .. لحديث الرسول كل بنى ادم خطاء وخير الخطائين التوابين " او كما قال صلى الله علية وسلم




انا اكتر واحد فى الدنيا ممكن يكون بيعصى ولبعمل ذنوب يارب اغفر لى وارحمنى بحتاج ساعات لحد ياخد بايدى يطلعنى من المود اللى بكون فيه سواء خنقة او ضيق او مشاكل ومن هنا جات فكرة الجروب



نفسى اكون كويس نفسى اكون احسن واحد فى الدنيا وكمان فى الاخرة بس مش عاوز اكون لوحدى عاوز اكون مع اصحابى واهلى وجرانى والناس اللى بحبهم وبيحبونى فعلا بجد مش نفاق .. قولت ليه مناخدش بايد بعض وكل واحد عند فكرة يقولها ونفذها وبدأنا بالفعل عملنا مباردة يوم عيد الام .. كل واحد يقول لمامته وباباه كل سنة وانتم طيبين ويبوس ايديهم او يتصل بيهم لو مسافر او يدعلهم لو متوفين ..اللهم اغفر لابائنا وامهاتنا ....... متطولش عليك وبدأنا مبادرة تانية وكان اسمها خليك ايجابى وشارك فى التعديلات وياريت نكون كلنا بجد شغالين مع بعض



ابتدينا ويارت نكمل مع بعض بس مش هنكمل لوحدنا لازم تشاركوا معانا ونقول لا للسلبيه هليك ايجابى وقول رايك .. انت صاحب الجروب الجروب دا بتاعنا كلنا وكلنا ملاك قيه ومؤسسينه يبقى لازم نحاقظ عليه وننشرة .



اتمنى كل واحد عنده حاجة يقولها ايه مواصقات احسن ناس



الصدق .. الامانة .. الايجابية ... حب الخير .. الامر بالمعروف .. النهى عن المنكر ... الكاظمين العيظ... العافين عن الناس ... المتبسمين فى وجه الناس ...صل الارخام ..



هنعمل مباجرة كل فترة ونتكلم عن حااجة فيهم ونتقاش ودورنا مش نتناقش بس عالجروب لا .. دورنا اكبر من كدا نتكلم مع اصحابنا .. مع الجيران .. الناس اللى فى الشارع ..ولا انتوا ايه رايكم



مستنى الرد



مختار العسكرى

http://www.facebook.com/home.php?sk=group_137328846316500&ap=1