الكذب لايدوم

فجرا جلست وحلمت بالزمن الاتى 
زمن جميل رائع فيه الهوى صدقا وحب صافى 
عشت الامل وزاد الحلم فيا 
فجرا وحبا واملا وحلما 
كل هذا جدد الاشواق فيا 
تذكرت ماض ليته ما مر بيا 
هنا كذب خداع نفاق زلزل الانسان فيا  بعد 
بعد عامان من الروتين كل شى قد ظهر 
كانت كلماتها تكذب عليا 
بعد عامان كل وعد بيننا قد اخلفته 
بكل تصريح لعقلى غيبته 

شكرا لها 
فلولها ما وصلت الى حقيقتها 
ولولها ما عشت ايامى بعدها سعيدا وانتشيت 
ولولها لعشت سنين العمر بين يديها 
مخدوعا وموهوما ومهموما 
ولا اصدق فى الدنيا الاكذبتها 
فضحكتها البريئة كاذبه 
نظرتها ايضا كاذبة 
لمستها لمسه كاذبة 
لا صفة فيها الاوكاذبة 
دعنى من الماضى وما فيه
فالغد اشرق والنهار ازال كل غيومه 
اجلس هنا احكى لك حبى القادم مع فجر نقى طاهر 
انار الحياة بداخلى وفجر بركان من الاحساس 
احبتنى ولا ادرى لعيش فى الاوهام 
ولكنى افقت مع فجر يوم مشرق وسط اصوات الدعاء 
وسط القلوب التى تعرف للحب معنى 
ولا تعرف معنى الخداع 
وسط من يعطى ولا يريد جزاء 
وسط من لا يقتربون منك لسبب ولسبب يفقارقون 
وسط من لا يحبون بل هم من يعشقون ويهيمون 
وسط من احبهم ويحبونى 
فشكرا لهم لانهم يستحقون 
وشكرا لك ثانية لان الكذب لايدوم 
                مختار العسكرى   

اوهام الماضى

شخص ما
الاسم ... انسان
العمر ... اجل فى كتاب
الصفة ... سعيد ام حزين بيد الله
انسان عادى وعايش حياتى سعيد لا كان فى باله فى يوم انه يكون يعيش مجروح من حد كان بيحبة وبيموت عليه
كانت بداية خير ابتدى بالحب ليها وعاش اجمل غرام وعدها بوعد وقال ليكى انت هكون ولا شى يمنعنى فى يوم ...
بحبك صريحة ورغم السكون .. بحبك ياعمرى كل شى يهون
والوعد زاد والحلم كل يوم يكبر زى طفل جميل بنربى فيه بنعلمه كل حاجة حلوة .. وبنتمناله كل خير ..بقالة يابنى مهما زعلتك فى يوم ... ولا حتى جيت عليك انت ابنى قصدى ( حببتى ) ايوة انتى ... مستغربة ..انتى الحلم اللى حلمته وعشته وربيته وعلمته وفى الاخر مش ليا .
يااااااااااااااااااااااااا ............اى حاجة بس مش حببتى
كدابة خاينة ... شى اساسى لما تخونى عشرة بينا كانت من سنين .. وبتكدبى على حلمنا وبترسمى بدموعك .. معلش كدابين ..كل كلمة حلوة منك قولتهالى ولا نظرة عين بعشق بعتيهالى ..ولا لمسة ايد بلهفة مسكتيهالى ..ولا همسه من شفايفك همستهالى ...مش مصدق ... كل دا كان كدب
ااااازاى .. كنت فاكرك الامل ... كنتى انتى اغلى عندى من انا .. كنتى غاليه وكنت .... كلمة مش هقدر اقولها بس عندا فيكى يالى كنت فاكرك حببتى ..... لا مش حببتى
انت اللى خنتى حب كان بنا وكان الكل مستنى لما الظروف والقدر يسمح ...
كلمة واحده هتسمعيها مش هتنسى كل شوق ولهفه ليا حستيها
ولا اول لمسه لاايديكى بشوق ودفء حيستيها
مش هتنسى لما كنتى بتغنلى من ضغرنا واحنا بنبنى عشنا مش هتنسى
مش هتنسى لم كنت بقولك اللى جمعنا حب له معنى منه مش ممكن حد يمنعنا ..اللى بقى بنا حلم هيعنا اوله الدنيا اخرته الجنة واهى كلها ايام وتضمنا الايام يجمعنا بعد الحب بيت مبنى عالاسلام ..يالا استعدى خلاص وزودى الاخلاص ايام ياغلى الناس انا ليكى وانتى ليا ..... اجمل لحظة عشتها فى الدنيا دى كلها انى اخترتك منها وانك وافقت عليا وبقتى لييا اناا ياغالية ياحنينة لو غبنا مليون سنة انا ليكى وانتى ليا "
انا ليكى وانتى ليا ههههههههههه كدبة صح عادى زى غيرها مع انى مكنتش شايف كدا .. هى دى مراية الحب بس انا كنت اسمع انها عامية بس طبعت كدابة وخاينة وظالمة وكل شى ملوش لازمة فى الدنيا
غمض عنيك ...ايوة انت غمض عنيك وقولى شايف ايه ..قول متنكسفش
اقول انا ...جنازة ماشية وانا اللى مت والناس بيبكوا ويصوتوا وتضحك من كنت احب
وقتها علمت بانها ليست من احب من خاننى وكذب عليا فلا يستحق منى سوى روح منك لله


انتظروا البقية  وبداية الحكاية

حبيبتى من تكون

بحبها كلمه قعدت ايام وليالى اقولها لكل واحدة قابلتها ، قعدت افكر فى البنات اللى كنت معجب بيهم لانى بصراحة محبتش قبل كدة غير مرة واحدة .
قعدت وشغلت شريط الزكريات الهباب والاحزان اللى ملهاش اخر واعمال الهبل وايام الطيش والشباب على اساس ان انا كبير عندى قول كدة يجى 17 – 18 سنه ، ايام ما كنت اشوف اى بنوته حلوه كنت اقف وقول لها انت حبيبتى وفتاة احلامى اللى بتمناكى من زمان زمان قوى .
بس على فكرة مش ببص للبنت علشان شكلها وملامحها الحلوة ولا علشان جسمها المفتون ولكن لروحها الجميلة وخفة دمها اللى ملهاش نظير " فاننى وان كنت انظر اليك حبيبتى فلا انظر الى جمال زائل او جسد فانى ولكنى انظر الى روح باقية ابد الابدين " .
كل واحده اشوفها استلمها وهاتك يا كلام انت دا انت حياتى و عمرى وقلبى وكل حاجة ليا فى الدنيا بس متصدقوش دا كلام كدب طبعا ، وجه اليوم اللى حبيت فيه بجد ولاول مرة احس بطعم الحب والمشاعر الحقيقية اللى من غير اى خداع ومش علشان مصلحة بجد حب من غير ملاوعه وخداع ونفاق .بعد الحب الهادئ اللى انا عايش فيه دلوقتى حسيت بتغيرات كتيرة فى حياتى وحاسس ان انا كمان اتغيرت واتغير تفكيرى عن الحب وعن كل شئ تانى ممكن علشان هى دى الاميرة اللى هاوليها عرش فؤادى وتتربع فيه وحدها ، مش هتصدقوا ان مع كل نبضة يذكر قلبى اسمها المكون من اربع احرف .
سؤال محيرنى انا ليه بقيت كده اكيد مش عارف طبعا اتغيرت من جوايا بجد مش قعدت وقلت اما المجتمع يتغير ابقى اتغير لا انا غيرت من نفسى علشان المجتمع كله يتغير واول مرة اشوفها "قصدى" اول مرة احبها لانى شفتها من زمان بس كنت بعيد عنها قد ايه حببتى حنينه وقلبها ابيض وطيبة ورقيقة انا مهما اقول عنها ولا قولت حاجة ومهما اوصف ولا كأنى وصفت حاجة فى بحر حبها وعطائها الكبير ، بس اقدر اوصف حبى لها وحبها ليا وازاى هي بتحتوينى وبتعرف انا عايز ايه من قبل ما اتكلم واما احس بالبرد حضنها بيدفينى ، عمرى ما حسيت بالخوف معاها لانها كتله امان .
بس انا بسأل نفسى انا ليه كنت متجاهلها وهى كانت بتتمنى رضايا ممكن علشان هى اكبر منى سننا بس وايه يعنى ياما شفنا قصص حب جميلة والحبيبة اكبر من الحبيب ميضرش ، قد ايه حبيبتى بتحس بيا وازاى كانت بتقف جنبى فى احزانى وتخرجنى من بحر الهموم اللى ان اعايش فيه ، هى بحر حب وحنان ونبع من العطاء لما ايديها تيجى على شعرى مش هاوصف مدى احساسى بالاطمئنان واما ايدى تلمس ايديها بحس انى طاير فى السما من كتر الفرحة لكن مفيش حاجة كاملة واللى الانسان بيحتاجة ويقرب منه بتبعد عنه لانى زعلتها منى قد ايه اتخنقت لما زعلتها منى " ولقد تكالبت علىً الهموم حتى كادت ان تقتلنى " ايه رايك فى تكالبت حلوه صح
مالى حزينا مستغرقا فى الهم العن الدنيا وما فيها واقول لها حد عنى
فأذا بذاكـرتى تـرد علىً قائلـة انت الســبب فى كل هذا الهـم
فصرخت بعد هذه الاجابه القاسية صرخت بمرارة والم لكى اخرج من احزانى وتمنيت انا يأتى اليوم الذى ااتيها فيه وارجعلها واخدها فى حضنى وامسك ايديها وابوسها قدام الكل واقول باعلى صوتى بحبها ...........................
بس متفهمونيش غلط
دى ماما
مختار العسكرى